شوية نكت على كيفك

واحده ست مسكت حرامى فى المطبخ ،فقالت لابنها روح إنده ابوك من على
القهوة.... جه ابوه ، ولما فتح المطبخ لقي الحرامي صغيّر فقال له انت
اسمك ايه؟ قالوا كريم ،فقعد يضرب فيه لحد ما عجنه .... تاني يوم الست
بتفتح باب المطبخ لقيت حرامي قالت لابنها روح يا وله نادي ابوك من على
القهوة جه الراجل ولما دخل المطبخ لقي واحد طول بعرض ....... بص لمراته
وقال لها امال فين كريم ؟
**********************************
واحد متخانق مع مراته كتب لها ورقة بالليل وهي نايمة قال لها صحيني
الساعة السادسة صباحا
· لما قام من النوم لقى الساعة بقت عشرة الصبح.. ولقى في ايده ورقة
مكتوب عليها اصحى الساعة بقت ستة
**************************************
مرة واحد بخيل جداً إشترى دش طلع علقه ع السطح وقفل السطح وكتب ع الباب
إحترس كلب متوحش ... الجيران اجتمعوا واتفقوا على ان يصعد واحد منهم
للتخلص من الكلب ..
· وبالفعل إختاروا واحد ، صعد إلى السطوح ونزل يجرى وهو يلهث .. وحين
سأله الجيران "ها شفت الكلب" رد "لا شفت الطبق اللى بياكل فيه
**************************************
تاجر مخدرات حصلت عليه كبسه شرطة فرمى المخدرات في عشة فراخ وجري تاني
يوم بيدور على المخدرات في العشة فوجد فرخه كلتها كلها فقعد يضرب فيها
و بعدين قال لها والله لأنا مأدبك فنتف ريشها كله و راح رماها في عشة
الديوك فاتلمت الديوك عليها فصرخت الفرخه فيهم .. بقول لكم إيـــــه
... أنا مخدرات مش آداب
*************************************
اتنين مساطيل حبوا يسرقوا عماره فقالوا لبعض احنا ناخد العمارة بعيد
ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه
واحد من وراهم وسرق الهدوم ، فواحد منهم بص ورا ملقاش الهدوم فقال له
كفاية كدة احنا بعدنا اوى
***********************************
اثنين ساكنين في خيمة ونايمين على ظهورهم بالليل.. بص الأول للسما وقال
للثاني شايف ايه ؟ قال اشوف نجوم كثيرة.... قال وده يدل على ايه ة ؟
قال الثاني : ان فيه مجرات وكواكب غيرنا في الكون ده . قال الأول ده
يدل ان سقف خيمتنا انسرق ياغبي
*********************************
ميكانيكي علق نتيجة على الحيط مكتوب عليها "الصبر مفتاح 15
*************************************
مرة واحدة ست اسمها زيزي بتقول لجارتها: الحقيني يا سامية بعت جوزي
يجيبلي ملوخية راح مخبوط بأتوبيس
· صاحبتها: يالهوي وعملتي إية
· قالتلها: عملت بامية وامري لله ..
**************************************
أرجو أن تكون قد أعجبتكم
دمتم بخيــر

من طرف **حنيــــــن** السبت 28 يوليو 2007, 6:10 pm

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههط

ياااااااااااااااااااااااااااخ انا ضحكته لمن قلته كفااااااااااااا ..

دمت لنا وداااااااااااام هذا المنتدى بروعتك ..

حنيــــــــــن ..